‘For my beloved hometown’ ang kahulugan ng pamagat. Ang wikang ito ay lokal sa San Carlos, ang bayan ng aking kapanganakan. Ito ang wikang Pangasinan. Mahirap aralin, mahirap ding bigkasin.

Matapos ang maikli ngunit masigasig na pag-eensayo sa in-browser editor na iD, napagpasyahan kong ipokus ang pagpapaunlad ng mapa sa aking lungsod. Bago ko iwan ang Map Maker, dito ko ibinuhos ang mga pinakahuling edits ko. Ngayong nasa OSM na ako, nais kong ipagpatuloy ang naudlot na proyekto.